FACT CHECK: Mr. M, Focus na sa mga Alaga nya sa STAR WORX; Marc Cruzin, Opisyal nang bagong Direktor ng ‘Vibe’

Matapos kumalat ang mga bali-balita noong Lunes na sinibak na ang legendary starmaker na si Johnny "Mr. M" Manahan bilang direktor ng Vibe sa TV5 dahil sa umano’y mataas na talent fee, mabilis na nagbigay ng paglilinaw ang network. Ayon sa datos, si Marc Cruzin na ang nakatalagang direktor ng naturang variety show.

Ayon sa mga kinatawan ng TV5, nananatiling hepe at kapitan ng Star Worx—ang talent management arm ng network—si Mr. M. Nilinaw din nila na hindi totoo ang mga ulat na tinanggal siya dahil sa isyu ng talent fee.

Paliwanag ng management, nagkaroon lamang ng pansamantalang pagbabago sa direksyon ng programa. Si Mr. M ay abala sa mga workshop para sa "Star Worx Block 1" artists bilang paghahanda sa kanilang mga magiging role sa mga susunod na programa ng TV5. Nakita rin siyang nakipag-taping kasama ang aktres na si Shaina Magdayao para sa My Bespren Emman.

Bukod pa rito, mariin ding pinabulaanan ng TV5 ang mga kumakalat na balita tungkol sa umano’y partnership sa pagitan ng TV5 at ABS-CBN. Tinawag ng mga source ang paggamit sa pangalan ng TV5 at ni Mr. M bilang isang "publicity stunt" para sa ibang programa.